如果你都有我呢個問題(歐洲size39以上)，我有好介紹！我在銅鑼灣區找到一些大碼鞋店，價錢合理。
第一間叫做"Exchange series" http://exchangeseries.com.hk/index.php , 在禮頓道PCCW隔離的樓上鋪，佢似Showroom多過似鞋店，全部都係美加的出口貨，款式比較斯文，High Heel好多，平底都有好多。佢地既服務態度超好，唔怕麻煩地找鞋比你試，我最的鍾意係佢D鞋係分碼放，唔洗對對問有無碼(呢個係我去一般的鞋店經常問的尷尬問題)。價錢大約$480起，但超過$1000的都唔太多。
第二間又係樓上鋪，係時代廣場後面的耀華街，叫做DYOS (Design Your Own Shoes) www.dyos.hk 。佢地D鞋係自已造既，我以前買過好多自家製鞋或訂造鞋，大部份都出事，一係D手工差對鞋好快爛，由其是裡面；一係就唔好行，著親都括腳或重心唔好腳痛。我今年年頭冬天買了佢地一對Ankle Boot大概3吋，極之好著，行成日都唔痛，手工好靚，同平時買大牌子的一樣。價錢比較貴，大概$8-900以上，過千既都多，不過我當日買的是半價，都可以接受。款式都係斯文，都係High Heel多，佢地有一半造結婚鞋，結婚要行行企企成日，一對舒服既鞋好緊要呀！
最後一問係東角"車尺"商場一樓的"YELLOW", 呢間鋪有一半貨品係自家製，呢D貨先有大碼，佢D碼係去到43，不過係大陸size, 例如我平時39就要買41。我買過呢間鋪好多鞋，因為佢好平，D款又會跟潮流，同一個款有好多色，我每次去都買幾對，由$199-399，未試過貴過呢個數。我推介佢地D羊仔皮圓頭平底鞋，超好著！不過佢地既缺點就係D鞋好快爛，可能又因為舒服著得太多啦！
各位姊妹，你地有無D好介紹呀？
有無男裝?
回覆刪除咁又唔知喎，雖然我家的弟弟們全部6呎以上對腳超巨，但有兩個細的成日著波鞋，另外一個就成日飛歐洲，那裡一定有鞋買！
回覆刪除對唔住，因為真係認唔住借你地方講下
回覆刪除我係下星期三（９月２２日）要飛日本行婚禮（一行親友共十多人去）然後返黎之後係香港有ｗｅｄｄｉｎｇ ｐａｒｔｙ
之前諗住呢間ＤＹＯＳ好似ＯＫ咁，原來係勁差，差到無譜！！ 嬲得我勁緊要。
我早成一個月前上去，訂造婚鞋，佢地話９月１３日有架～ 結果我等到９月１６日先收到佢地ＭＥＳＳＡＧＥ話對鞋ＯＫ，咁我諗都唔緊要，因為我話只要佢係我出發前比到我就ＯＫ，點知今日上到去，拿對鞋出黎，係大左１個半碼！！！ 我訂左係３８，我真係唔知佢地係點做鞋，佢拿左我原先係鋪頭試個對３８係ＧＯＯＤ ＦＩＴ，但呢對訂造既係大左咯！我得番4日，你叫我點算好？
你估佢地點做？佢竟然拿對PAD比我，話加左睇下會唔會好D。真係想講粗口，如果我係預左要加PAD既，我使乜黎做訂造下？無野下嘛…跟住個SALES就唔知做乜又話去左打電話啦~
係我等待呢個SALES打電話既時候，我就同時目擊到下面另外2位客人不幸既遭遇。
今日(9月17日)係星期五，我下午四點去到佢地店鋪，原來不幸既唔止我一個，同一時間，另外有2位客人。1位係係澳門來香港，一早訂造左，人地係2日後阿女結婚客人做新任外母，人地訂造一對鮮桃紅色既鞋，係特登襯番件外母衫既色，人地仲特登拿件衫既色版黎香港呢間DYOS到對住造，結果人地今日黎到拿鞋，呢間DYOS做左對暗紅色既鞋，叫人地點襯？DYOS既SALES仲同那位準外母講，話係因為廠問題所以出錯。我心諗，無野下嘛~~~ 你收得客人錢，就係要貨對版啦~ 家下貨不對版係你地既問題，唔關個客事架喎~ 再講，你地接得單既，係咪應該要訂貨時跟足D，收貨後DOUBLE CHECK呢??? 我之後因為趕住要去FITTING試晚裝，唔知呢位準外母點收科啦~
另一個都好經典，佢原來已經係第二次黎拿鞋。第一次黎，佢訂造左一對個鞋跟係黑色反光面，去到發現個鞋跟係爆左個面；咁今日佢係第二次黎，結果個鞋跟都係一樣咁爆左面咯!! 最後呢位小姐就FULL REFUND走左。
搞完一輪，個SALES又番黎，你估佢同我講乜野？
佢話，可以幫我改對鞋，係裡面加番個PAD。呢個時候，我真係火起啦~ 我話，下，咁我使乜要訂造鞋呀？我就係知我要去日本行幾日，我結婚個日，仲會去影埋WEDDING PHOTO，我預左要行我先要訂造姐，如果我可以接受到加PAD我使乜要搵你地公司訂造呢？而且，我短短一個鐘唔夠就發現你地有三單訂造鞋貨不對版事件，我已經對你地無晒信心。我問佢，如果我要改，你幾時比到我？個SALES竟然答我要星期二晚先比到我。我呢個時候真係慶到句粗口係喉嚨丁，差D講出口咁滯。無野下嘛~ 如果你星期二比我既時候都仲係唔OK，我星期三一早飛機，你叫我著乜野鞋去行禮呀????
再令我更慶既係，我問佢地，我依家得番幾日，你又比唔到對鞋我，你地DYOS公司係咪應該要賠償我呢？你估佢地點答? 佢話，UM~ 我地個番個八折你啦~ 仲話，我地公司平時係無折扣架~
多謝晒喎!! 呢個係你地既錯，你地無歉意不特止，仲講到好似好優待我咁!!
跟住佢地話，佢地係另一個倉到仲有一對同款同SIZE，同埋仲有一對同款但SIZE係37；但呢2對個鞋跟得三吋(我訂造既係三吋半)，可以拿比我試，但要等半個鐘(當時我已經留左係佢地店鋪一個鐘啦)，我話我趕住去FITTING，完左再返黎試。
結果，我FITTING完番黎，再試，拿返黎個2對鞋都係大。我真係唔知佢地點樣造鞋，點解可以拿出黎比我試那個SIZE係GOOD FIT但訂造既先唔O岩咯~真係諷刺到爆。最後我發晒脾氣先拿得番個FULL REFUND。
我寫出我既經歷同埋所見所聞，只係希望大家想係呢到造鞋前要三思，人生大事，呢間鞋店不負責任，搵著佢地造鞋真係大吉利是!!!