Go Style: 2010

2010年5月25日星期二

大腳小姐的福音

人生得高很多人都好羨慕，但附加條件就係對腳都生得大。自從中學以後就要為買鞋而煩惱，要去好多間鞋店才買到合適的鞋，款式選擇又少，例如日本製造的就睇都唔洗睇。曾經亦為此當年歐遊的時候便瘋狂買鞋，行李超磅到要在機場櫃位面前要即時掉去舊衣服才能上機，所以去到任何有我Size的店鋪我便很興奮！

如果你都有我呢個問題(歐洲size39以上)，我有好介紹！我在銅鑼灣區找到一些大碼鞋店，價錢合理。

第一間叫做"Exchange series" http://exchangeseries.com.hk/index.php , 在禮頓道PCCW隔離的樓上鋪，佢似Showroom多過似鞋店，全部都係美加的出口貨，款式比較斯文，High Heel好多，平底都有好多。佢地既服務態度超好，唔怕麻煩地找鞋比你試，我最的鍾意係佢D鞋係分碼放，唔洗對對問有無碼(呢個係我去一般的鞋店經常問的尷尬問題)。價錢大約$480起，但超過$1000的都唔太多。未知的.jpg

第二間又係樓上鋪，係時代廣場後面的耀華街，叫做DYOS (Design Your Own Shoes) www.dyos.hk 。佢地D鞋係自已造既，我以前買過好多自家製鞋或訂造鞋，大部份都出事，一係D手工差對鞋好快爛，由其是裡面；一係就唔好行，著親都括腳或重心唔好腳痛。我今年年頭冬天買了佢地一對Ankle Boot大概3吋，極之好著，行成日都唔痛，手工好靚，同平時買大牌子的一樣。價錢比較貴，大概$8-900以上，過千既都多，不過我當日買的是半價，都可以接受。款式都係斯文，都係High Heel多，佢地有一半造結婚鞋，結婚要行行企企成日，一對舒服既鞋好緊要呀！

最後一問係東角"車尺"商場一樓的"YELLOW", 呢間鋪有一半貨品係自家製，呢D貨先有大碼，佢D碼係去到43，不過係大陸size, 例如我平時39就要買41。我買過呢間鋪好多鞋，因為佢好平，D款又會跟潮流，同一個款有好多色，我每次去都買幾對，由$199-399，未試過貴過呢個數。我推介佢地D羊仔皮圓頭平底鞋，超好著！不過佢地既缺點就係D鞋好快爛，可能又因為舒服著得太多啦！

各位姊妹，你地有無D好介紹呀？

2010年5月14日星期五

Bling Bling 首飾店

表妹同男朋友係旺角兆萬中心開首飾店, 開左幾個月都唔行開去。近日想買D細粒D既耳環, 因為我屋企D耳環都比較大對, 係Facebook見到佢地舖頭D耳環都好靚, 果日教完化妝就行過去睇下。女人見到D閃令令既野都特別興奮，仲要係$90四對!

圖中就係我既戰利品!

地址: Yukahino 旺角兆萬中心1/F 116舖

2010年5月11日星期二

耳朵美顏法

中醫稱:人身上的所有毛病都可以從耳朵得到治療.
每天搓一搓耳背可是最簡單的補腎大法喔！
稍微用點力氣，上下反覆搓揉就可以了．

2010年5月6日星期四

全球最富媽媽 2華人是白手興家的啊

這兩位富媽媽不但富有，還有很美好的家庭．
祝母親節快樂：http://hk.news.yahoo.com/article/100506/4/hv6z.html

Caressa Cameron, Miss America 2010

美國小姐, 成為Artistry品牌化言人http://www.youtube.com/watch?v=YvZGJLWcCjM&feature=fvw

2010年5月2日星期日

神奇刮痧瘦面瘦腿

2010年4月28日星期三

忍不住買的化妝掃

有一晚在公司做完野，行到Sogo覺得好肚餓，見到超市舉行XX(日本地方)食品節，必定有野食！在云云食品攤位之中，我發現了一個賣毛筆同化妝掃既檔，不其然就"吸"左入去。嘩！每一把掃都好精緻，D毛又非常滑；當然馬上有位售貨員上前介紹，佢特別推介左一支掃給我(應該是銷量No.1)，係一支山羊毛既掃(仲係身形矮小的)，作用係"搽濕粉"(Hah, 羊毛掃搽濕粉? 得唔得架？)，價值HK$350。

但我心想，我家的掃已多到四五個人都用不完，自己公司還有得賣，真係唔想買！但呢個世界上最不能抵抗既就係"產品示範"，呢位小姐就用左細細滴粉底搽到我手上，然後用個掃轉兩個圈，咦！好均勻喎！

結果係點？有圖為証啦!

經過幾天試用，真係得！用粉底用防曬既量少左，好"渾遁"，好薄。但我會試下我家中有的羊毛掃，睇下效果是否一樣。

網址: http://koyudo.co.jp/